حفلة لـ عمر خيرت يوم 9 مايو في قصر القبة برعاية "تطوير مصر"

مين فينا ماعندوش ذكرى معينة مع موسيقى عمر خيرت؟

الموسيقار الكبير اللي قدر بموسيقته يعبّر عن كمية مشاعر جوانا من غير ما ينطق ولا كلمة، كلنا عيشنا مع أنغامه اللي عمرها ما بتقدم، ذكريات ومواقف ماتتنسيش، من إحساس الأُلفة اللي في "البخيل وأنا"، للحيرة والشجن في "ليلة القبض على فاطمة"، لإحساسنا بالحنين غير المبرر اللي بييجي مع "خلي بالك من عقلك"، وللأمل اللي بنحس بيه كل ما نسمع "فيها حاجة حلوة".

عمر خيرت مش مجرد موسيقار، ده حكاية مشاعر وذكريات كاملة عيشناها وبنعيشها مع نغماته، بس يا ترى جاهز تعيش كم المشاعر دي لايف؟

يوم 9 مايو في قصر القبة، لأول مرة هنشوف عمر خيرت مع أوركسترا وكورال القاهرة الاحتفالي بقيادة المايسترو ناير ناجي، في حدث فريد من نوعه بيتعمل لأول مرة في قصر القبة اللي اتفتح مخصوص عشان يستضيف الحفلة دي.

الحفلة مُقدمة من "تطوير مصر" وتنظيم RMC، ضمن مبادرة إحياء ريادة مصر الثقافية، واللي "تطوير مصر" بترعاها بقالها سنتين.

التذاكر متوفرة على موقع TicketsMarche وفيه منها 4 فئات وهما:

- الـ Pearl Wave وسعرها: 2500 جنيه.

- الـ Diamond Wave 2 وسعرها: 3500 جنيه.

- الـ Elite وسعرها: 4000 جنيه.

- الـ Royal Wave 2 وسعرها: 6000 جنيه.

أبواب الحفلة هتفتح الساعة 6 مساءً، والحفلة هتبدأ 8:30، وخلي بالك الحضور بالملابس الرسمية.