العاصمة الإدارية للتنمية العمرانية بتشاركنا أهم نجاحات العاصمة الجديدة

الخدمات والمعالم الثقافية والفنية لازم تكون جزء أساسي من مخطط أي مدينة، وفي العاصمة الجديدة هتلاقي معالم مهمة زي المدينة الأولمبية الرياضية والمدينة الفنية والثقافية، والبرج الأيقوني، ومسجد مصر الكبير، وكتدرائية ميلاد المسيح، وغيرها كتير.

وبالإضافة للمعالم والخدمات، كل يوم العاصمة الجديدة بتقرب أكتر للقاهرة، من خلال شبكة مواصلات متنوعة، زي القطار الكهربائي الخفيف والمونوريل اللي هيشتغل قريب جدًا، ده غير شبكة مواصلات داخلية متنوعة.

كل المعالم والخدمات وزيادة أعداد السكان بشكل مستمر في العاصمة، ساعدت إن المدينة تكون وجهة لأحداث مهمة، زي حفلات فنية وموسيقية، وبطولات وفعاليات رياضية عالمية، وغيرها من الأحداث المختلفة اللي جمعت آلاف من الجمهور في مكان واحد هو العاصمة الجديدة.

اللي حصل لغاية دلوقتي هو بداية، ده لأن شركة العاصمة الإدارية للتنمية العمرانية بتخطط حاليًا للمرحلة الجديدة، وأظن إنك لو روحت العاصمة الجديدة الشهر اللي فات، وبعدين روحتها دلوقتي، هتلاقي حاجات كتيرة اختلفت هناك.