شركة ACUD بتشاركنا أهم النجاحات اللي اتحققت في العاصمة الجديدة

شركة ACUD هي المطور والمسؤول الرئيسي عن تخطيط وتطوير وإدارة العاصمة الجديدة، كشركة خاصة مساهمة. وقدرت الشركة في فترة زمنية قصيرة إنها تحقق نجاحات مهمة في العاصمة الجديدة، وشاركتنا بيها في بيان صحفي حصري.

النجاحات اللي اتحققت حولت مكان كان صحرا من كام سنة لمدينة بيوصل عدد سكانها الحالي لأكتر من 25 ألف أسرة وكل يوم بيزيد، وكمان الحكومة المصرية بكامل وزاراتها بتدار منها في آخر سنتين.

الخدمات والمعالم الثقافية والفنية لازم تكون جزء أساسي من مخطط أي مدينة، وفي العاصمة الجديدة هتلاقي معالم مهمة زي المدينة الأولمبية الرياضية والمدينة الفنية والثقافية، والبرج الأيقوني، ومسجد مصر الكبير، وكتدرائية ميلاد المسيح، وغيرها كتير.

وبالإضافة للمعالم والخدمات، كل يوم العاصمة الجديدة بتقرب أكتر للقاهرة، من خلال شبكة مواصلات متنوعة، زي القطار الكهربائي الخفيف والمونوريل اللي هيشتغل قريب جدًا، ده غير شبكة مواصلات داخلية متنوعة.

كل المعالم والخدمات وزيادة أعداد السكان بشكل مستمر في العاصمة، ساعدت إن المدينة تكون وجهة لأحداث مهمة، زي حفلات فنية وموسيقية، وبطولات وفعاليات رياضية عالمية، وغيرها من الأحداث المختلفة اللي جمعت آلاف من الجمهور في مكان واحد هو العاصمة الجديدة.

اللي حصل لغاية دلوقتي هو بداية، ده لأن شركة ACUD بتخطط حاليًا للمرحلة الجديدة، وأظن إنك لو روحت العاصمة الجديدة الشهر اللي فات، وبعدين روحتها دلوقتي، هتلاقي حاجات كتيرة اختلفت هناك.