فيلم "قفلة" هيشارك في المسابقة الرسمية بمهرجان بالم سبرينغز السينمائي

الفيلم المصري القصير"قفلة" هيشارك في المسابقة الرسمية بمهرجان بالم سبرينغز السينمائي الدولي في دورته الـ 37. الفيلم هيتنافس مع أكتر من 300 فيلم قصير من أكتر من 100 دولة حوالين العالم على جوائز المهرجان ضمن قسم Welcome to the neighborhood.

أحداث فيلم "قفلة" بتحصل في فجر ليلة العيد، جوه عمارة سكنية، لما جد العيلة بيتعرض لأزمة صحية فجأة. الرجالة ولاده بيخرجوا يجروا يدوروا على دكتور يلحقه، بس ما بيرجعوش، وبيسيبوا الستات والأطفال قاعدين قلقانين ومستنيين أي حاجة تنقذ الموقف. وفي وسط التوتر والقلق، الستات بيتفاجئوا بدخول بنت ساكنة جديدة في العمارة، ومعاها شاب غريب. اللحظة دي بتقلب الموازين، وبتبدأ ردود فعل نفسية قوية من الستات والأطفال، وكل واحدة فيهم بتبدأ تطلع كل حاجة جواها من الخوف والقلق والكبت على البنت والشاب دول.

فيلم "قفلة" من بطولة: جيهان الشماشرجي، صدقي صخر، مالك عماد، يارا جبران، نجلاء يونس، شيماء فاروق، يوسف دريس، ومن تأليف وإخراج أحمد مصطفى الزغبي، وإنتاج هند متولي، منتج مشارك محمد حفظي، صفي الدين محمود وباهو بخش، علي العربي، أحمد عامر، شريف فتحي، إبراهيم النجاري ومصطفى الكاشف.

جدير بالذكر إن مهرجان بالم سبرينغز السينمائي الدولي، يعتبر واحد من أهم وأرقى مهرجانات الأفلام القصيرة في العالم، فاعلياته بتُقام في مدينة بالم سبرينغز بكاليفورنيا، وهو من ضمن المهرجانات المؤهلة رسميًا لجوائز الأوسكار، وBAFTA، وجويا (إسبانيا).