طارق العريان أعلن عن جزء تاني من فيلم "تيتو"

المخرج طارق العريان، أعلن إنهم بيشتغلوا حاليًا على الجزء التاني من فيلم "تيتو"، وقال "العريان" في تصريحات إعلامية: "بنكتب الولد اللي كان أحمد السقا تبناه في الفيلم وكبر بعد سنين، لكن لسه السقا مايعرفش".

جدير بالذكر إن الطفل اللي بيتكتب الجزء التاني من الفيلم عنه هو "رضا" اللي لعب دوره عصام يوسف، وهو دلوقتي كبر وبعد عن مجال الفن وبيشتغل في مجال هندسة البترول.

فيلم "تيتو" بيحكي عن "تيتو" اللي بيشتغل في عمليات مشبوهة لحساب ظابط شرطة فاسد بعد خروجه من الإصلاحية لما قتل أمين شرطة في صغره، و"تيتو" بيكتشف إن عنده فرصة يبدأ من جديد بعد ما يقابل رجل أعمال بيشاركه في مجال الأعمال.

الفيلم الجزء الأول من بطولة أحمد السقا، حنان ترك، خالد صالح، عمرو واكد، ضياء عبد الخالق، ومن تأليف وإخراج طارق العريان.