تراجع نسبة الإدمان في مصر لـ 2.3 %

وحسب المسح، نسبة التعاطي بين العاملين بالجهاز الإداري للدولة نزلت لـ 1% في 2025 بدل 8% سنة 2019، وبين سواقين الأتوبيسات المدرسية بقت 0.5% في 2025 بدل 12% سنة 2017.

في نفس الوقت، عدد مراكز علاج وتأهيل مرضى الإدمان السنة دي زاد لـ 34 مركز في 19 محافظة بعد ما كانوا 12 مركز بس سنة 2014، والعلاج بيكون مجاني وسري على الخط الساخن 16023.

وعدد الحالات اللي راحت مراكز العلاج زاد، ووصل حوالي 99.7 ألف شخص سنة 2025 بعد ما كان 55.6 ألف سنة 2014.

أما من ناحية التوعية، اتنفذ عدد كبير من الأنشطة وصلت لـ  70 ألف نشاط بـ 25 ألف مدرسة، و9 آلاف نشاط بمراكز الشباب والأندية الرياضية، واستهداف 100 جامعة حكومية وأهلية وتكنولوجية وخاصة، و100 معهد عالي حكومي وخاص. 

من أهم الحملات والمبادرات اللي اتنفذت خلال السنين اللي فاتت:

حملة "أنت أقوى من المخدرات" اللي بسببها زاد طلب العلاج على الخط الساخن بنسبة 500%، ووصلت مشاهداتها لأكتر من 186 مليون مشاهدة.

ومبادرة "توصل بالسلامة"، اللي بتستهدف السائقين والمسافرين على الطرق، عن طري تنفيذ أكتر من 1260 حملة ميدانية.

ومبادرة "القرار قرارك"، والي استهدفت العاملين بالمصالح الحكومية والهيئات العامة وجهات تقديم الخدمات للمواطنين، وتم تنفيذها بـ 1202 منشأة، واستفاد منها حوالي 275 ألف موظف في 25 محافظة. 

كمان مصر بقت أول دولة تطبق مبادرة "CHAMPS" مع الأمم المتحدة، واللي بتركز على حماية الأطفال والمراهقين من الإدمان.