نجاح تجارب زراعة القطن لأول مرة في صحراء طور سيناء

والإنجاز ده اتحقق بعد زراعة 6 تراكيب وراثية هي: سوبر جيزة 86، وسوبر جيزة 94، وسوبر جيزة 97، بإضافة 3 تراكيب وراثية جديدة، وتم جني الدورة الأولى من المحصول بعد 127 يوم من الزراعة، وده نتيجة لارتفاع درجة الحرارة في جنوب سيناء.

و أكد دكتور عادل عبد العظيم، رئيس مركز البحوث الزراعية، إن ده بيعكس القدرة على ابتكار حلول لمواجهة تحديات البيئة والمناخ، وإن الخبراء في المركز مهتمين بتطوير أصناف جديدة من المحاصيل اللي بتتحمل الجفاف والملوحة، وارتفاع درجات الحرارة، وأكد إنه من المخطط تعميم نموذج مدينة الطور على محافظات تاني مختلفة، وتدريب المزارعين على أحدث تقنيات الري والزراعة لتحقيق إنتاجية أعلى للمحاصيل.

والدكتور خالد مبارك، محافظ جنوب سيناء، أكد إن تجربة زراعة القطن في الأراضي الرملية لأول مرة، في ظل المعروف عن زراعة القطن اللي بتتم دايمًا في أرض طينية يعتبر إنجاز مهم في مجال الزراعة الحديثة.

وبيتميز القطن اللي تم إنتاجه بجوده عالية وصلاحية للاستخدام في الغزل والنسيج وإنتاج الزيوت، وده هيساعد في فتح مجال لخطط التوسع الزارعي اللي جاية.