حاجات محمسانا لمسلسلات رمضان 2026

هيكون فيه السنادي تعاون جديد بين ثنائياتة بيتشغلوا مع بعض لأول مرة زي “درة وأحمد العوضي” في مسلسل "علي علاي" و”يسرا اللوزي وماجد الكدواني” في مسلسل "كان يا ما كان".

كمان عودة نجوم كانوا غايبين عن المشاركة في موسم رمضان لسنين طويلة محمسنا، زي "يوسف الشريف" اللي بيرجع بمسلسل "فن الحرب" و"هند صبري" اللي بترجع بمسلسل "منّاعة".

غير مواضيع جديدة ومختلفة محمسة هنشوفها في رمضان، زي قصة حب بتحصل وسط أوضاع الحرب في غزة في مسلسل "صحاب الأرض"، ومهن مختلفة زي "أحمد العوضي" اللي بيقدم دور ملاكم بمسلسل "علي كلاي".

والخطط الانتقامية داميا بتكون عامل بيشدنا كلنا، وهو جزء من مسلسلات السنادي زي في مسلسل "إفراج" بطولة "أحمد العوضي" ومسلسل "الكينج" بطولة "محمد إمام". 

كمان تجديد التعاون بين ثنائيات حبيناهم مع بعض زي ما هنشوف “أحمد مالك وهدى المفتي” في مسلسل "سوا سوا" و”شريف سلامة ونيللي كريم” في مسلسل "على قد الحب"، وطبعا تسليط الضوء على قضايا تهم المرأة زي في مسلسل "حكاية نرجس" لـ "ريهام عبد الغفور" و"نون النسوة" لـ "مي كساب". 

وفي مسلسلات رمضان السنادي هندخل في كواليس عالم التمثيل بتجسيد "ياسمين عبد العزيز" و"دينا الشربيني" لدور ممثلات في مسلسلاتهم "وننسى اللي كان" و"اتنين غيرنا".  

وآخر حاجة إن هيكون في بطولات مطلقة لأول مرة زي "كزبرة" في مسلسل "بيبو" وأحمد رمزي" في مسلسل "فخر الدلتا".