تقييمات الجمهور لمحتوى رمضان حسب تحليلات شركة AIM Technologies
شركة AIM Technologies الرائدة في الحلول المتطورة المعززة بالذكاء الاصطناعي
طول ما أنت بتقلب على فيسبوك وانستجرام، هتلاقي تقريبًا معظم المسلسلات تريند رقم 1 على كل منصات التواصل الاجتماعي، لدرجة إننا مش بنبقى عارفين أنهي مسلسل هو التريند فعلًا.
للسنة الخامسة على التوالي، شركة AIM Technologies الرائدة في الحلول المتطورة المعززة بالذكاء الاصطناعي في منطقة الشرق الأوسط وشمال إفريقيا، طورت وسائل وأدوات حديثة مدعمة بالذكاء الاصطناعي لمراقبة أداء الإعلانات والدراما خلال رمضان، على التليفزيون ومنصات المشاهدة والتواصل الاجتماعي.
الوسائل دي هتخلي المسؤولين عن التسويق وصناعة المحتوى يعرفوا ردود الفعل الفورية للجمهور والمستهلكين، وAIM بتقوم بجمع وتقييم آراء الجمهور بطريقة موثوقة واحترافية. وعينة التقرير تضمنت مشاركة أكتر من 3 آلاف مشارك في الأبحاث، ووسيلة الـ Social Listening وضحت إن تم معالجة 3 مليار تفاعل ومشاركة سواء من خلال الإعجابات أو التعليقات أو المشاركات أو المشاهدات، وده علشان يشوفوا الجمهور حب إيه أكتر من الحملات الإعلانية أو من المسلسلات والبرامج.
كمان شركة AIM بتستخدم الحل الرقمي AIM Research، وهي منصة بحث إلكترونية مدعومة بالذكاء الاصطناعي، لإنشاء وتوزيع وتحليل الاستبيانات، وبتقوم بجمع آراء العملاء، وبتعمل أبحاث تسويقية، وتقييم تفضيلات المستهلكين.
تحليل شركة AIM لإعلانات رمضان
ومن خلال تحليل شركة AIM للإعلانات، فإعلان فودافون "تيجي نعيش" اللي شارك فيه محمد صلاح ونانسي عجرم، تصدر كأعلى بوست عليه تفاعل Love على منصة تيك توك بعدد 1.2 مليون لايك.
أما إعلان "e&" اللي شاركت فيه شيرين عبد الوهاب بأغنية "الدنيا فيها أكتر"، حقق أعلى معدل ردود فعل إيجابية بين الجمهور مقارنةً بكل الحملات الرمضانية، والأغنية هي من أكتر 3 أغاني استخدمها الناس كموسيقى خلفية في البوستات على انستجرام وتيك توك.
إعلان "أورنج" اللي شارك فيه حسين الجسمي بأغنية "اتكلم كل يوم يومين"، هو أكتر بوست حقق تفاعل 470 مليون على فيسبوك، وأكتر بوست من شركات الاتصالات عليه تعليقات إيجابية، وأغنية الحملة الجمهور استخدمها كتير كموسيقى خلفية على بوستات انستجرام وتيك توك.
أما إعلان "بنك التعمير والإسكان" اللي شارك فيه خالد النبوي، وأحمد مالك، وأسماء جلال، هو من أكتر 3 حملات بنوك، الناس فاكرينها وعجبتهم في رمضان (من بين 10 حملات بنكية). وإعلان "بنك مصر" اللي شارك فيه تامر عاشور بأغنية "مذهل مدهش"، هو أكتر حملة بنكية الناس حبتها. أما إعلان "فريش" اللي شاركت فيه نيللي كريم وروبي، كان ضمن المراكز الأعلى في الحملات الرمضانية اللي الناس فاكرينها. إعلان النادي الأهلي "عاشت الأسامي" اللي شارك فيه أبو تريكة، ومحمد الشناوي، ووائل جمعة، وبركات، وعماد متعب، وعلي معلول، هو أكتر بوست عليه تعليقات، بعدد 25 ألف تعليق على فيسبوك، وأكتر بوست عليه تعليقات إيجابية. تحليل شركة AIM لمسلسلات رمضان من خلال تحليل شركة AIM لمسلسلات رمضان، فمسلسل "المداح أسطورة العهد" بدأ كالمسلسل الأكتر مشاهدة في رمضان بالأسبوع الأول، ولكن تراجع للمركز التالت، أما "فهد البطل" اتصدر المشاهدة في الأسبوع التاني، وبعده "العتاولة 2". أما مسلسل "أشغال شقة جدًا"، باعتباره مسلسل كوميدي عائلي خفيف، حصل على المركز التالت في النص الأول من رمضان، بالرغم إنه مش مسلسل درامي. تحليل شركة AIM لبرامج رمضان بعد سنين من سيطرة رامز جلال على برامج رمضان بفرق كبير دايمًا عن البرنامج الحاصل على المركز التاني، فبرنامج "مدفع رمضان" لمحمد رمضان، قدر إنه يغير القاعدة، ولحد الأسبوع التاني من رمضان كان محقق المركز التاني بفرق بسيط عن رامز جلال. ليه تقرير AIM Ramadan Media Tracker مهم؟ لأن بيخليك تعرف إيه اللي بيجذب جمهورك سواء أغنية، أو مسلسل، أو فنان معين. كمان التقرير بيتغلب على تشتت البيانات، لأنك بتحصل على مؤشرات أداة موحدة من التليفزيون والمنصات الرقمية في تقرير كامل. بالإضافة إن التقرير هيخليك تفهم جمهورك، لأنه بيحلل المشاعر الفورية باستخدام أدوات متطورة، بتكشف ردود فعل وتوجهات الجمهور. التقرير كمان هيساعدك في تحسين الإنفاق الإعلاني، من خلال التركيز على القنوات اللي ليها تأثير عالي، وأوقات ذروة بناءً على رؤى مدعومة بالبيانات. التقرير هيخليك مواكب لاتجاهات رمضان من خلال تحولات سلوك المستهلك في موسم رمضان.
- الموضوع اللي فات مؤسسة مصرف أبوظبي الإسلامي الخيرية بتتبنى 4 سيدات مُعيلات
- الموضوع اللي جاي "علاج الإدمان": زيادة نسبة الإناث المقبلين على العلاج من 1% لـ 4%
