دومتي 35 سنة خبرة بشكل جديد

كلنا بنحب التجديد وبنحب نعيش حاجة جديدة، بس كمان بنتبسط أكتر لو الجديد ده مبني على أساس قوي بيعبر عننا ومتعلقين بيه في حياتنا، وده بالظبط اللي بتعمله دومتي دلوقتي!

  "دومتي" الشركة اللي بقالها معانا 35 سنة بتكبر وبنشوف منتجاتها في كل بيت مصري من جبن وعصاير وألبان بنحبها كلنا، دلوقتي كمان عملوا ري براندينج ولوجو جديد، وقريب هنشوف منتجات وخطوط إنتاج جديدة.

محمد الدماطي، الرئيس التنفيذي ونائب رئيس مجلس إدارة دومتي، قالنا إن لأن الناس دايمًا بتحب التجديد فدومتي فكروا إزاي يكونوا بيعبروا عن الشباب ويكونوا شبههم وقريبين منهم من خلال اللوجو الجديد، اللي كمان بيقدم جزء منعش ومختلف وفريش للحياة. 

الـ 35 سنة مليانة بتاريخ وقيم ومبادئ كواحدة من أول شركات السوق المصري انتجت الجبنة، ذكريات عشناها يوم بيوم من واحنا صغيرين ولحد دلوقتي. ومن 7 سنين لما دومتي انتجوا المخبوزات، كلنا فاكرين إزاي الساندوتش قلب الدنيا وإزاي كلنا كنا ماشيين بندور على الحادق وبعدين الحلو، الموضوع وصل إن كان فيه خناقات وسوق سودا على ساندوتش الشيكولاتة. 

ودلوقتي "دومتي" نازلين بتشكيلة جديدة في الجبن وأطعمة مختلفة في الساندوتشات، وكمان بيتم إعادة إطلاق خط جديد للعصاير واللبن، ده غير خط المخبوزات اللي هيعمل نقلة في السوق. 

تجديدات مختلفة بروح جديدة لكن بنفس القيم القديمة.