أفضل 10 أفلام سياسية مصرية

مهرجان الإسكندرية السينمائي لدول البحر المتوسط، برئاسة الناقد السينمائي الأمير أباظة، أعلن عن نتائج الاستفتاء اللي عمله لاختيار أفضل 100 فيلم سياسي في تاريخ السينما المصرية، بمشاركة 41 ناقد من مصر والوطن العربي، تحت إشراف الناقدة ميرفت عمر، عضو مجلس إدارة الجمعية المصرية لكتاب ونقاد السينما. ودول كانوا أول 10 أفلام في القائمة..

1- الكرنك

سنة 1975 قدم المخرج علي بدرخان فيلم الكرنك، عن قصة نجيب محفوظ وسيناريو وحوار ممدوح الليثي. الفيلم أحداثه بتدور في فترة الستينيات، عن مجموعة من الطلبة المثقفين اللي بيدخلوا السجن بتهم ملفقة، وبيتعرضوا لأبشع أنواع التعذيب.

الفيلم بطولة سعاد حسني، نور الشريف، محمد صبحي، كمال الشناوي، وفريد شوقي. 

فيلم عاطف الطيب ووحيد حامد اللي فضل ممنوع من العرض لسنين طويل. عن قصة المجند أحمد سبع الليل اللي بيتم استغلاله لتعذيب المعارضين السياسيين لكنه بيكتشف الحقيقة. الفيلم إنتاج 1986 وبطولة أحمد ظكي ومحمود عبد العزيز وممدوح عبد العليم وجميل راتب.

 

3- شيء من الخوف

سنة 1969 شوفنا واحدة من الروائع السينمائية المصرية اللي هتفضل عايشة لسنين كتير.  الفيلم مأخوذ عن قصة قصيرة للكاتب ثروت أباظة، والسيناريو لصبري موسى، وأخرجه حسين كمال. الفيلم كله رمزيات سياسية عن فكرة الاستبداد، فبيقدم قصة قرية صغيرة بتعاني من ظلم عتريس، لكن في النهاية أهالي القرية بيتحدوا ضده وبينهوا ظلمه. الفيلم بطولة شادية، محمود مرسي، ويحيى شاهين.

 

4- احنا بتوع الأتوبيس

إنتاج سنة 1979 وبيقدم قصة عن مواطنين بتتلفق ليهم تهم في قضية سياسية خطيرة وبيتعرضوا لأنواع مختلفة من التعذيب. الفيلم بطولة عادل إمام وعبد المنعم مدبولي. كتب قصته جمال الغيطاني، وأعد السيناريو والحوار سعد الدين وهبة، وأخرجه حسين كمال,

 

5- في بيتنا رجل

إنتاج سنة 1961، عن رواية إحسان عبد القدوس، وأعد السيناريو يوسف جوهر، وأخرجه بركات. الفيلم بيحكي عن قصة إبراهيم اللي بيشارك في عملية اغتيال مسؤول متعاون مع الاحتلال البريطاني، وبيهرب يستخبى في بيت أسرة بسيطة. الفيلم بطولة عمر الشريف، رشدي أباظة، حسن يوسف، وزبيدة ثروت.

 

6- طيور الظلام

إنتاج سنة 1995 للكاتب وحيد حامد والمخرج شريف عرفة. بيقدم الفيلم علاقة بين 3 أشخاص بيمثلوا شريحة من المجتمع المصري، وبنشوف فيهم محاولة الوصول للسلطة، والصراعات السياسية اللي بتحصل بينهم لتحقيق أهدافهم. الفيلم بطولة عادل إمام، يسرا، رياض الخولي، جميل راتب، وأحمد راتب.

7- الإرهاب والكباب

فيلم تاني للثلاثي وحيد حامد وشريف عرفة وعادل إمام، بس المرة دي إنتاج 1992،عن قصة أحمد اللي راح يخلص أوراق مدرسة ولاده في مجمع التحرير، فبيلاقي نفسه بيحتل المجمع وبيدخل في صدام مع الحكومة، بنكتشف من خلاله مشاكل كتير بتواجه المجتمع بسبب الظلم والفساد. الفيلم بيشارك في بطولته يسرا، كمال الشناوي، أحمد راتب، أشرف عبد الباقي، وعلاء ولي الدين.

8- العصفور

الفيلم إنتاج سنة 1972 لكن اتعرض في 1974 بسبب مشكلات رقابية. في الفيلم ده بيقدم يوسف شاهين نقد حاد للعوامل اللي اتسببت في نكسة 67 من فساد وسوء إدارة. الفيلم من بطولة محمود المليجي، محسنة توفيق، علي الشريف، صلاح قابيل، وعبد العزيز مخيون.

إنتاج سنة 1970، عن قصة جمال حماد وسيناريو رأفت الميهي وإخراج كمال الشيخ. الفيلم بيدور في حقبة ما قبل ثورة 1952، عن ظابط بيتم توريطه في شبكة فساد سياسي. الفيلم من بطولة سعاد حسني، رشدي أباظة، صلاح ذو الفقار، محمود المليجي، وإبراهيم خان.

 

10- القاهرة 30

سنة 1966 شوفنا فيلم "القاهرة 30" عن رواية نجيب محفوظ وسيناريو ممدوح الليثي وإخراج صلاح أبو سيف. بيقدم الفيلم قصة إحسان شحاتة اللي بتتجوز من شخص عنده نفوذ وبتستغله عشان يقدم فرصة لحبيبها. الفيلم بطولة سعاد حسني، أحمد مظهر، وحمدي أحمد.