ألحق دلوقتى تذكرتك لأول حفلة لـ Michael Bublé في مصر بالعاصمة الجديدة

باقي أقل من أسبوع على حفلة المغني الكندي Michael Bublé في مصر يوم 26 مايو واللي هتكون في العاصمة الجديدة، فممكن تسمع أغاني زي sway  و feeling good وLove لايف في تجربة ماينفعش تتفوت.

وجمهور الحفلة المسموح له بالدخول هما الأشخاص اللي فوق  الـ 20 سنة ولو أقل من 20 سنة مسموحلهم بالدخول ولكن بشرط وجود مرافق. 

أبواب الحفلة هتبتدأ تستقبل الجمهور من الساعة 7. والدريس كود سمارت كاجوال، كمان من شروط الحفلة عدم دخول المأكولات والمشروبات. أما تذاكر الحفلة فموجودة على موقع تيكتيس مارشيه  والتذاكر بتضم 7 فئات:

أول فئة هي البرونز وسعرها 3500 جنيه، وتانى فئة هي السيلفر المخفضة وسعرها 4500 جنيه، والتالتة هي السيلفر وسعرها 5000 جنيه، والفئة الرابعة هي الجولد المخفضة وسعرها 5525 جنيه، وخامس فئة هي الجولد وسعرها 6500، وسادس فئة هي البلاتينوم بخصم وسعرها 6800، والفئة الأخيرة وهي البلاتينوم  وسعرها 8000 جنيه.

الحفلة دي بتعاون بين شركة العاصمة الإدارية للتنمية العمرانية(ACUD) وTicketmarche وLive Nation

Michael Bublé مش بس مغني معروف حوالين العالم ولكنه كمان مؤلف أغاني وحصل على جائزة الجرامي 12 مرة.