"25 كتاب بـ 100 جنيه" شنطة قصور الثقافة في الصالة المخفضة بمعرض الكتاب
اعرف الكتب اللي هتوفرها الهيئة العامة لقصور الثقافة في معرض الكتاب
![](https://elfaslaonline.com/Content/Admin/Uploads/Articles/ArticlesMainPhoto/23629/35f32bf5-8fd3-4b36-9bd9-6341381f82f5.jpg)
الهيئة العامة لقصور الثقافة هتشارك في الصالة المخفضة بمعرض الكتاب ومن خلالها هتوفر شنطة فيها 25 كتاب قديم بـ 100 جنيه مصري، والهيئة قررت إن كل إصدارتها مش هتزيد عن 25 جنيه مهما كان حجم الكتاب، فمثلا كتب النشر الإقليمي هتكون "بجنيه واحد"، ومجلة قطر الندى "بتلاتة جنيه" ومجلة ملونة للأطفال بـ "خمسة جنيه".
الشنطة هتتوفر في معرض القاهرة الدولي للكتاب في دورته الـ 56، اللي هيكون افتتاحه في 23 يناير، وهيستقبل الجمهور من 24 يناير لـ 5 فبراير.
والهيئة كمان هتشارك بجناح رئيسي هيضم حوالي 50 كتاب جديد، وطبعات جديدة من كتب قديمة، ومن الكتب اللي هتوفرها الهيئة:
1- كتب سلسلة آفاق عالمية:
"مائة عام من العزلة" لماركيز، "الأحمر والأسود"، "مدام بوڤاري"، و"سوريا القرن الـ19 في رحلات روسية"
2- مجموعة طه حسين
3- كتب سلاسل الذخائر وذاكرة الكتابة والنشر الإقليمي والدراسات الشعبية والسينما والفنون التشكيلية ومجلات الأطفال والدراسات النقدية،"الذكاء الاصطناعي" و"تاريخ سيناء القديم والحديث".
- الموضوع اللي فات فتح باب التأشيرات لدخول السوريين لـ مصر بشروط محددة
- الموضوع اللي جاي ندوات وعروض سينمائية.. مهرجان الغردقة لسينما الشباب من 25 لـ 30 سبتمبر
الأكثر متابعة هذا الشهر
-
13 فبراير 2025
-
21 يناير 2025