"المشروع X" فيلم جديد بتقنية IMAX من بطولة كريم عبد العزيز وإخراج بيتر

فيلم "المشروع X" هو أحدث أعمال المخرج بيتر ميمي، واللي هيجمعه من جديد بكريم عبد العزيز، بعد ما اشتغلوا مع بعض في مسلسلات "الاختيار" و"الحشاشين"، وفيلم "بيت الروبي"، والفيلم هيتعرض في السينمات في مايو 2025 بتقنية IMAX.

المخرج بيتر ميمي قال في بوست على صفحته على فيسبوك: "فكرة الفيلم موجودة من 2018 بس تنفيذها كان صعب إنتاجيًا وبصريًا، بسبب السفر لأكتر من دولة ووجود طيارات حربية ومدنية وغواصات وديكورات صعب تنفيذها، ومشاهد لأكشن ومطاردات في أماكن صعبة وتصوير تحت المياه، بس الحمد لله جه الوقت ربنا يريد وتتنفذ بعد مسلسل "الحشاشين".

أما عن قصة الفيلم فقال "ميمي": "يوسف الجمال عالم المصريات وفريقه في رحلة موت من مصر للڤاتيكان لأمريكا اللاتينية للبحر المفتوح،  علشان يثبت نظرية غريبة! إيه هو سر بناء الهرم الأكبر؟ هل كان مقبرة؟

الفيلم سيناريو وحوار بيتر ميمي وأحمد حسني، وإنتاج تامر مرسي.