الناشئ عبد الحافظ عمر ينضم لقائمة أفضل لاعبي الكيك بوكسينج في العالم

أعلن محافظ أسيوط، اللواء محمد علوان، عن تحقيق الطفل والناشئ عبد الحافظ عمر بدري، ابن محافظة أسيوط، إنجاز دولي وهو تصنيفه ضمن نخبة لاعبي العالم في رياضة الكيك بوكسينج.

وده بعد ما نجح في تحقيق المركز التاني وحصوله على الميدالية الفضية خلال مشاركته في بطولة كأس العالم للأندية للكيك بوكسينج اللي أقيمت في تركيا، ضمن منافسات أسلوب "بوينت فايت"، في وزن 30 كجم، وحصد التصنيف السادس عالميا في فئته العمرية والوزنية.

عبد الحافظ بيلعب في مركز شباب درنكة وعنده 8 سنين، وبكدة بيكون أصغر بطل دولي في مصر بـ الوزن ده، كمان عبد الحافظ فاز في أوقات سابقة بالمركز الأول على مستوى أفريقيا، والمركز الأول عربيًا.