عرض الجزء الثاني من مسلسل "النص" في رمضان ٢٠٢٦

وأفراد عصابة "النص" مستمر وجودهم في "النص التاني" وهما:

"درويش" حمزة العيلي، "رسمية" أسماء أبو اليزيد، "زقزوق" عبد الرحمن محمد، "إسماعيل" ميشيل ميلاد، و"علوي" صدقي صخر، وكمان هتظهر "عيشة" دنيا سامي زوجة "النص" أحمد أمين، ومعاهم ابنهم "منصور" واللي هيكون ليهم دور كبير في حياة "النص".

"النص" مسلسل مستوحى من وقائع تاريخية، أحداثه مقتبسة من كتاب "مذكرات نشال" للباحث التاريخي أيمن عثمان، وهو بيحكي عن "عبد العزيز النُص" الشخصية اللي بيقدمها أحمد أمين، وهو لص تائب بيلاقي نفسه وسط شبكة معقدة من الأحداث السياسية والاجتماعية.

و"النص التاني" أحداثه هتدور بعد سبع سنين من نهاية الجزء الأول، وتحديدًا في فترة الحرب العالمية الثانية سنة 1942، ليغوص هذه المرة في أجواء الجاسوسية المليئة بالتشويق والمفاجآت.

وأحمد أمين قال إن شخصية "عبد العزيز النص" هتختلف كتير، لأنه بقى أب فهيفتقد للجرأة والمهارة، ومتورط في عملية أكبر منه بكتير.

المسلسل تأليف شريف عبد الفتاح، وعبد الرحمن جاويش، ووجيه صبري، ومن إنتاج شركة أروما وإخراج حسام علي، وصناع المسلسل حاليًا بدأوا التحضيرات للجزء الثاني، من ضم فنانين جدد، وبناء ديكورات مناسبة للفترة الزمنية اللي بتدور حواليها أحداث المسلسل، عشان يبدأوا تصوير المسلسل في نوفمبر الجاي.

الصورة من كواليس تصوير الجزء الأول من المسلسل