فتح باب التقديم لجائزة أفضل كتاب مترجم بمعرض القاهرة الدولي للكتاب

الجايزة متاحة في مجالين مختلفين، وهما:

كتاب مترجم للأطفال وقيمتها 25 ألف جنيه، وكتاب مترجم في أحد الموضوعات العامة وقيمتها كمان 25 ألف جنيه.

ومن شروط التقديم إن الطبعة الأولى من الكتاب تكون صدرت خلال سنة 2025 ومثبتة برقم إيداع قانوني، وكمان لازم الترجمة تكون عن اللغة الأصلية مش عن لغة وسيطة، ولازم تكون حقوق الترجمة والنشر بالعربي متوفرة رسميًا.

وكل مترجم يقدر يقدم بكتاب واحد بس، وماينفعش يقدم كتاب سبق وفاز بجايزة ترجمة أو بيتنافس على جايزة تانية، وكمان اللي كسب الجايزة خلال آخر 3 سنين ماينفعش يقدم السنة دي.

والتقديم للجائزة مستمر لحد 30 نوفمبر 2025، في إدارة التدريب والجوائز بالمركز القومي للترجمة بشارع الجبلاية، الجزيرة، ساحة دار الأوبرا بالقاهرة، من الساعة 11 الصبح لحد 2 الظهر، ما عدا أيام الجمعة والسبت، ومتاح التقديم بالبريد على نفس عنوان القومي للترجمة.

والأوراق المطلوبة للتقديم بتشمل:
3 نسخ من الترجمة، ونسخة من النص الأجنبي، ومستند من دار النشر يثبت حقوق الترجمة والنشر، وسيرة ذاتية مختصرة للمترجم، وصورة بطاقة الرقم القومي، ونموذج المشاركة اللي ممكن يتسحب من مقر المركز.