فتح باب التقديم للدورة التاسعة من مهرجان سينما زاوية للأفلام القصيرة

مهرجان زاوية للأفلام القصيرة فتح باب التقديم لدورته التاسعة، وآخر ميعاد للتقديم يوم 25 يناير الحالي. الدورة دي من المهرجان هتقام في شهر مارس 2025، وهيتم تقييم الأفلام المختارة من لجنة تحكيم، وهتتنافس الأفلام على مجموعة جوايز هيتم الإعلان عنها قريب. استمارة التقديم هتلاقيها في بايو صفحة سينما زاوية على انستجرام، ودي شروط التقديم:

- أقصى مدة للفيلم تكون 30 دقيقة، بحد أدنى 4 دقايق.
- آخر ميعاد للتقديم يوم 25 يناير.
- التقديم مفتوح للمخرجين المقيمين في مصر والمخرجين المصريين المقيمين بالخارج.

- التقديم متاح من خلال روابط "Vimeo أو YouTube"، ولا يجوز التقديم بأي وسيلة تانية.

- لازم الاستمارة تتملي باللغتين العربية والإنجليزية.

- لن يتم النظر في الاستمارات غير المكتملة وهيتم استبعاد الروابط اللي مابتشتغلش.

- سنة إنتاج الفيلم لازم تكون بين 2024 و 2025.

- يمكن تقديم فيلم واحد بس لكل مخرج.

- لو تم اختيار فيلمك في الدورات اللي فاتت ماينفعش تقدمه في الدورة دي.