مبادرة "سيرة القاهرة" هتنظم معرض خاص للاحتفاء بأم كلثوم يوم ٢ فبراير

مبادرة "سيرة القاهرة" هتعمل معرض مخصوص للاحتفال بكوكب الشرق أم كلثوم بمناسبة ذكرى رحيلها الـ 50، يوم الحد 2 فبراير في بيت السناري.

المعرض هيبدأ الساعة 4 العصر، هيكون فيه متعلقات أم كلثوم من دوريات ومجلات قديمة، طوابع بريدية تذكارية، وعملات ومسكوكات.

وبعد المعرض هيكون في فعالية "ليلة السماع" اللي هتتكلم عن المحطات التاريخية النادرة في حياة أم كلثوم وكمان هتحلل مقطوعاتها النادرة، هيقدمها مؤرخ التراث الموسيقي المصري هيثم أبو زيد.

"سيرة القاهرة" مباردة مستقلة من 2020 لباحث التاريخ عبدالعظيم فهمي، بتحكي حكايات القاهرة وشوارعها وبتنتج أفلام وثائقية بعنوان "من دروبها العامرة" اللي بيروي حكايات المدينة وحواريها، كان آخرهم فيلم "مجاذيب القرافة"، اللي بيحكي عن تاريخ جبانات القاهرة، واللي فيها من تراث مصري متنوع وغني.

المبادرة شاركت في مهرجانات مختلفة منهم: أسبوع القاهرة الحضري للأمم المتحدة لحفظ تراث المدن، مهرجان القاهرة للفيلم القصير في دورته التالتة، ومهرجان القاهرة الدولي للفيلم القصير في دورته الرابعة في مسابقة الأفلام الوثائقي.