مهرجان القاهرة الدولي للفيلم القصير من 16 لـ 21 ديسمبر في دار الأوبرا

مهرجان القاهرة الدولي للفيلم القصير، أعلن عن دورته السادسة اللي هتُقام في الفترة من 16 لـ 21 ديسمبر في دار الأوبرا المصرية. والمهرجان كشف عن عدد من الأفلام اللي هيتم عرضها ومن ضمنهم: فيلم "برتقالة من يافا" للمخرج الفلسطيني محمد المغني، واللي هيتعرض ضمن المسابقة الدولية للمهرجان، الفيلم حاصل على عدد من الجوائز ومن ضمنها الجائزة الكبرى كأفضل فيلم دولي في مهرجان ' كليرمون فيران ' في فرنسا واحد من أهم مهرجانات الأفلام القصيرة في العالم.

بالإضافة للعرض العالمي الأول للفيلم المصري "دم فاسد" للمخرج طارق الشربيني، واللي هيتعرض ضمن المسابقة المصرية بالمهرجان. والعرض العالمي الأول للفيلم المصري "أروح لفين" للمخرج عز الدين الفقي، واللي هيتعرض ضمن المسابقة المصرية بالمهرجان. والعرض العالمي الأول للفيلم اللبناني "Far From It" للمخرج Mario Ghabali واللي هيتعرض ضمن المسابقة الدولية.

بنفكرك إن كل عروض وفعاليات المهرجان مجانية، وهيتم الإعلان عن جدول مواعيد الأفلام قريب.