7 خطوط أتوبيسات توصلك لمعرض القاهرة الدولي للكتاب

واللواء رزق علي، رئيس هيئة النقل العام، وضح إن الأتوبيسات المتوفرة لنقل زوار معرض الكتاب هيكون عليها لافتة بعنوان "خدمة معرض الكتاب"، وهيتم تكثيف الأتوبيسات في الخطوط اللي فيها إقبال على المعرض، لتقليل الزحام داخل مواصلات معرض الكتاب وتقليل زمن التقاطر.

واللواء "علي" ضاف إنه تم الاتفاق على تخصيص 7 خطوط خدمة خاصة لنقل المواطنين وزوار المعرض بأتوبيسات الهيئة من ميدان عبد المنعم رياض، مرورًا برمسيس، والعباسية، وجامعة الأزهر، ومحور المشير، وصولًا بمعرض الكتاب، والخط بيخدم 10 عربيات.

أما الخط التاني يبدأ من دوران شبرا، وبعد كده شارع شبرا، مرورًا بميدان أحمد حلمي، بعد كده شارع رمسيس، والعباسية، ونادي السكة، جامعة الأزهر، ومحور المشير، وصولًا بمعرض الكتاب، والخط ده بيخدم 10 عربيات.

أما الخط التالت، بيبدأ من النزهة الجديدة، مرورًا بميدان الحجاز، وبعد كده السبع عمارات، ومكرم عبيد، ومصطفى النحاس، والمنهل، والوفاء والأمل، وصولًا بمعرض الكتاب، والخط ده بيخدم 8 عربيات.

والخط الرابع بيبدأ من الأميرية مرورًا بميدان المطرية والحلمية، وبعد كده كلية بنات عين شمس، وميدان هشام بركات، والحي السابع، وحي السفارات، وأخيرًا معرض الكتاب، والخط بيخدم 7 عربيات.

والخط الخامس بيبدأ من ميدان الجيزة، مرورًا بجامعة القاهرة، والقصر العيني والسيدة عائشة، والاتوستراد، وجامعة الأزهر، وأخيرًا معرض الكتاب، والخط ده بيخدم 10 عربيات.

أما الخط السادس بيبدأ من صقر قريش، مرورًا بكارفور المعادي، وبعد كده نادي وادي دجلة، والطريق الدائري، ومحور المشير، ووصولًا بمعرض الكتاب، والخط ده بيخدم 5 عربيات.

أما الخط السابع بيبدأ من المظلات، وبعد كده سراي القبة، مرورًا بروكسي، والسبع عمارات، والحي التامن، والوفاء والأمل، ومحور المشير، وصولًا بالمعرض، والخط ده بيخدم 8 عربيات.