الإعلان عن ميعاد تشغيل محطات المرحلة الأول من الخط الرابع للمترو
اعرف اسامي المحطات اللي هتفتح في المرحلة الأولى من مترو الخط الرابع
أعلنت الهيئة القومية للأنفاق عن افتتاح المرحلة الأولى من مترو الخط الرابع في الربع الأول من 2027 واللي هتكون على امتداد 19 كم ويعتبر حلقة أساسية بتربط بين القاهرة والجيزة ومدينة 6 أكتوبر.
والمرحلة دي بتشمل 17 محطة هيتم افتتاح 12 محطة منهم وهما: حدائق الأشجار، حدائق الأهرام، النصر، المتحف المصري الكبير، ميدان الرماية، الأهرام، المريوطية، العريش، المطبعة، الطالبية، مدكور، والمساحة.
وده بالإضافة للمحطات التبادلية زي محطة الملك الصالح، واللي تعتبر محطة تبادلية مع مترو الخط الأول، ومحطة الجيزة، واللي هتكون محطة تبادلية مع مترو الخط التاني.
ومن المفترض إن افتتاح المرحلة التانية من الخط، واللي هتشمل 21 محطة بعد كده، وهتمتد 23 كم، عشان توصل من محطة الفسطاط لمحطة القاهرة الجديدة، وهيكون فيها محطات زي: قلعة صلاح الدين، الحي السادس، عباس العقاد، مكرم عبيد.
وأكدت الهيئة أن مترو الخط الرابع هو صناعة 5 شركات مصرية خالصة مواكبة للمعاييير العالمية ومجهزة بالوسائل المختلفة لمرعاة كبار السن وذوي الاحتياجات الخاصة، زي المصاعد الكهربائية والبوابات الزجاجية على الأرصفة اللي بتفتح بشكل آلي لما يوصل المترو لضمان سلام وأمان الركاب.
- الموضوع اللي فات جامعة الأزهر بتدرس تعريب علوم كلية الطب
- الموضوع اللي جاي بمناسبة 50 سنة على رحيل أم كلثوم حفلة في المتحف المصري الكبير يوم 23
