أبليكيشن "دعم المستثمرين" من وزارة الصناعة لاستقبال شكاوى المستثمرين

وزارة الصناعة أطلقت الإصدار الأول من أبليكيشن "دعم المستثمرين" لاستقبال شكاوى واستفسارات المستثمرين الصناعيين. الأبليكيشن بيربط المستثمرين بالجهات التابعة للوزارة ووحدة خدمة ودعم المستثمرين، عن طريق إرسال الشكوى أو الاستفسار للوحدة، ولما يترد عليها من الجهة المختصة، بتبعت الوحدة الرد النهائي للمستثمر، وكمان المستثمر يقدر يبعت استعجال على الشكوى أو الاستفسار في حالة تأخير الرد.

الأبليكيشن حاليًا بيشتغل على أندرويد فقط، وتقدر تنزله على موبايلك عن طريق "Play Store".

 وعشان تعرف تستخدمه محتاج تعمل الخطوات دي:

1- اعمل حساب خاص بيك عن طريق تسجيل بياناتك الشخصية.

2- اختار الخدمة اللي بتحتاجها سواء كانت شكوى أو استفسار.

3- تسجيل البيانات المطلوبة (عنوان الشكوى أو الاستفسار- الموضوع- إرفاق المستندات أن وجدت في صيغة صور بحد اقصى 5 صور).

4- اضغط «سجل» لإرسال الشكوى أو الاستفسار.