بإنتاج 3 مليون طن.. مصر حققت الاكتفاء الذاتي من السكر

 الدكتور مصطفى عبد الجواد، رئيس مجلس المحاصيل السكرية في وزارة الزراعة واستصلاح الأراضي، قال إن مصر حققت الاكتفاء الذاتي من السكر في سنة 2025. وقال إن البلد مش هتحتاج تستورد سكر ابتداءً من السنة الجاية. 

وأضاف "عبد الجواد"، إن ارتفاع أسعار المحاصيل السكرية زي القصب والبنجر ساعد على زيادة المساحات المزروعة. وسعر طن قصب السكر وصل لـ 2500 جنيه، وسعر البنجر 3000 جنيه، وده شجع المزارعين على التوسع في زراعتها.

وأوضح "عبد الجواد"، إن المساحة المزروعة ببنجر السكر السنة دي تجاوزت 780 ألف فدان، مقارنة بـ 600 ألف فدان السنة اللي فاتت. وأشار إلى إن إنتاج السكر بيشهد طفرة غير مسبوقة في تاريخ مصر، وإن إجمالي إنتاج السكر هيوصل لـ3.12 مليون طن، متوزعين بين 620 ألف طن من القصب، و2.5 مليون طن من البنجر، وده بيعد أعلى إنتاج  في تاريخ مصر وإن في 2024 كان الإنتاج 2.8 مليون طن.

والدكتور شريف فاروق، وزير التموين والتجارة الداخلية, قال إن دي أول مرة  مصر  تحقق اكتفاء ذاتي من السكر بنسبة 100%, لأن في 2022 وصلت مصر للاكتفاء الذاتي بنسبة 90%. 

وقال حسن فندي, رئيس شعبة السكر في اتحاد الصناعات المصرية إن إنتاج مصر هيتجاوز الـ 3 مليون طن في الموسم ده، وده يعتبر أعلى رقم في تاريخها مقارنة بالمواسم اللي فاتت.