عرض الجزء التاني من مسلسل "ساعته وتاريخه" السبت 1 فبراير

الجزء التاني من مسلسل "ساعته وتاريخه" هيتعرض على قناة "dmc" ومنصة  WATCH IT"" بداية من السبت 1 فبراير، ومواعيده هتكون من السبت للأربع الساعة تمانية ونص بليل.

المسلسل 20 حلقة منفصلة، بيحكوا قصص مستوحاة من القضايا الجدلية في المحاكم المصرية والدافع ورا كل جريمة.

العمل ده يعتبر هو الظهور الأول لمواهب برنامج "كاستنج"، وبيشارك معاهم مجموعة كبيرة من النجوم زي: أروى جودة، دياب، صبري فواز، محمد الشرنوبي، نسرين أمين، علي صبحي، فرح يوسف، محمود الليثي، حسن مالك، مريم الجندي، خالد أنور، ملك أحمد زاهر، ونورين أبو سعدة.

الجزء الأول من ساعته وتاريخه كان حقق نجاح كبير بسبب تقديمه لقضايا مهمة ومختلفة، زي قضايا التحرش الجنسي اللي قدمها حمزة دياب في قصة "ضبط وإحضار"، قضايا قتل الزوجة قدمها أحمد أمين في قصة "ساعة شيطان"، قضايا الـDark Web  قدمها خالد أنور في "إكرام الميت دفنه"، قضايا الابتزاز الإلكتروني اللي قدمتها ياسمينا العبد في قصة "تفتيش مفاجئ".