Copied
تروح فين في معرض الكتاب وما تدفعش كتير؟
اعرف أهم دور النشر اللي بتقدم كتب مخفضة في معرض الكتاب 2025
02 فبراير 2025
الدورة الـ 56 من معرض القاهرة الدولي للكتاب خلاص هتنتهي في 5 فبراير، وعشان إحنا عارفين إن المعرض مش مجرد مكان لبيع الكتب، دي مساحة بتجمع كل محبي الكلمة والفكرة في مكان واحد، "فصلة" بتقدملك دليلك في المعرض، هنساعدك تعرف دور النشر اللي بتقدم كتب مميزة بأسعار قليلة وكمان تعرف أماكنهم، سواء كنت من عشاق الكتب أو مجرد بتحب أجواء المعرض فمينفعش تفوت تجربة المعرض.
الهيئة المصرية العامة للكتاب: (صالة 1، B1)
لو بتدور على كتب في مجالات مختلفة وبأسعار رخيصة يبقى لازم تزور الهيئة المصرية العامة للكتاب، اللي بتقدم السنة دي كمان كتب مخصصة للأطفال هتكون موجودة في صالة الطفل B1.
نهضة مصر للنشر: (صالة1، B63)
تقدر هنا تلاقي كتب وروايات مختلفة سوا علمية، ثقافية، أدب، تاريخ، وغيرها من كل المجالات.
المركز القومي للترجمة: (صالة 2، B5)
المركز القومي للترجمة بيقدم مجموعة مميزة من الكتب المترجمة والأدب العالمي، كمان بيقدم كتب نادرة وتراثية مش موجوده غير فيه.
الهيئة العامة لقصور الثقافة: (صالة 1، B3)
الهيئة العامة لقصور الثقافة معروف عنها تميزها في وجود الكتب النادرة والسلاسل، ده غير طبعا وجود الكتب المترجمة وروايات الأدب العالمي.
جناح الطفل: (صالة 5)
لو بتدور على كتب مناسبة لطفلك، جناح الطفل بيقدم كتب مناسبة للأطفال من قصص وحكايات، كتب تفاعلية، أنشطة ترفيهية.
صالة الكتب المخفضة (صالة 6)
وزارة الثقافة خصصت لأول مرة السنادي صالة للكتب المخفضة، بيشارك فيها دور نشر مصرية وعربية بأسعار بسيطة، وكمان بيشارك فيها سور الأزبكية.
Related Articles
الأكثر متابعة هذا الشهر
-
-
-
-
21 يناير 2025
