"اليونيسف": سنة 2024 من أسوأ سنوات الأطفال في مناطق الصراع

منظمة الأمم المتحدة للطفولة "يونيسف"، أعلنت إن عدد الأطفال اللي بيعيشوا في مناطق الصراع أو نزحوا بشكل قسري من بيوتهم بسبب الحرب، أصبح أكبر من أي وقت فات.

والمديرة التنفيذية لمنظمة اليونيسف، كاثرين راسل، قالت في بيان: "بكل المقاييس تقريبًا، كانت سنة 2024 واحدة من أسوأ السنين على الإطلاق بالنسبة للأطفال في مناطق الصراع في تاريخ المنظمة، سواء من حيث عدد الأطفال المتضررين أو مستوى التأثير على حياتهم".

وأضافت المنظمة في تقرير، إن حوالي 473 مليون طفل بيعيشوا في مناطق الصراع، يعني أكتر من 1 من كل 6 أطفال في مختلف أنحاء العالم. وأكدت المنظمة إن نسبة الأطفال اللي بيعيشوا في مناطق الصراع تضاعفت من حوالي 10% في تسعينيات القرن اللي لـ حوالي 19%.

ووضحت المنظمة إن الأطفال دول بيتم قتلهم وبيتصابوا وبيضطروا لـ الانقطاع عن الدراسة، ومش بياخدوا التطعيمات الحيوية، وبيعانوا من سوء تغذية حاد.