ألعاب مصرية تسلي بيها وقتك مع أصحابك

اللعبة المناسبة لأي حد بيحب السينما المصرية عشان بتختبر ذاكرتك في قفشات الأفلام وأسماءها وأبطالها، وأسعارها بتتراوح بين 180 لـ 400 جنيه، وتقدر تشتريها أونلاين من موقع كاتافلام أو موقع دوت جاليري من محل "Top Toys" في الدقي والمهندسين

لو أنت ميم لورد، فاللعبة دي علشانك، اللعبة نازل منها نسخ كتير، زي (قول أو اعمل، أنا مش عارفني، معاهم ولا عليهم، ابعتهاله) والأسعار بتتراوح من 45 لـ 850 جنيه، وتقدر تشتريها أونلاين من موقع قول أميم.

علشان اللعب العادية بتخلص بسرعة، ساليني فيها ألعاب مختلفة عملها 4 صحاب علشان يخلوك تنبسط وتتسلى مع صحابك لأكبر وقت ممكن، الأسعار بتتراوح من 130 لـ 1050 جنيه، وتقدر تشتريها من موقع ساليني أو موقع دوت جاليري.

لعبة معمولة مخصوص للكابلز علشان يعرفوا بعض أكتر ويقرروا مكان الديت الجاي ليهم، الأسعار بتتراوح من 45 لـ 450 جنيه، وليهم أماكن تقدروا تشتروا من أماكن مختلفة تعرفها من صفحتهم أو من موقعهم.

اللعبة اللي اتعملت مخصوص علشان اللي مابيعرفوش يفتحوا مواضيع، اللعبة مكونة من 30 كارت، كل حد بيسحب كارت عشوائي، وكل كارت بيكون فيه موضوع عميق تتكلموا فيه، الأسعار بتتراوح من 120 لـ 320 جنيه، وتقدر تشتريها أونلاين من موقع افتح Topic ،أو أماكن مختلفة تقدر تعرفها من صفحتهم.

جوكي جوي عاملة نسخ كتير علشان تناسب تجمعات البنات بس، ودي اسمها "Girls ولكن"، والكابلز علشان تقربهم من بعض ويفهموا مشاعر بعض أكتر زي لعبة "مشاعر" و"Deep couples" و"Pick a date"، الأسعار بتتراوح من 99 لـ 600 جنيه، تقدر تشتري ألعابهم من موقعهم.

لكل محبين القضايا والجرايم والتحقيق فيها، فاللعبة دي عشانكم. اللعبة بيكون فيها جرايم مختلفة تفضل تمشي ورا الخيوط والمشتبه فيهم لحد ما تحل القضية، ففيه لعبة "جريمة الغرفة 303" ولعبة "جريمة الفيلا 666"، .وسعرها 500 جنيه، وتقدر تشتريهم من موقعهم

لعبة مكونة من 3 لعب:  "ورا الكواليس" و"مش بالساهل" و"أسرة في بعضينا"، كل لعبة من دول بتتلعب لوحدها، الأولى للي حافظين إفيهات الأفلام المصرية، أما لعبة "مش بالساهل" فهي عبارة عن كارت فيه 3 أسئلة عن شغلانة أو مكان توصفه أو كلمة تحطها في أغنية، أما اللعبة التالتة وهي لعبة "أسرة في بعضينا" فهي كلها تحديات محتاجة شجاعة وسرعة بديهة علشان تجاوبها، سعرها 350 جنيه، وتقدر تشتريها من موقع كازينو ألعاب.

لعبة مالهاش قواعد، أيوة زي ما قريت، قاعدتها الوحيدة إنك تكون صادق مع نفسك. لعبة معمولة علشان تعرف نفسك أكتر وتوصل لسلامك الداخلي، هتعرف من خلالها إزاي تعبر عن مشاعرك، وتقدر تشتريها من خلال صفحتهم على انستجرام.